Dermapen
Háþróuð húðendurnýjun fyrir fallegri og áferðarbetri húð
Dermapen er háþróuð örnálameðferð sem örvar náttúrulega endurnýjun húðarinnar og vinnur markvisst að sléttari, jafnari og ljómandi húð.
Með örfínum nálum er húðin örvuð á stýrðan og nákvæman hátt, sem styður við náttúruleg ferli húðarinnar og örvun kollagens og elastíns. Útkoman er húð sem getur orðið mýkri, sléttari og ferskari í útliti, með fallegri áferð og meiri ljóma.
Meðferðin hentar sérstaklega vel fyrir þá sem vilja vinna með fínar línur, ójafna húðáferð, stórar og opnar svitaholur, ör eftir bólur og húð sem skortir ljóma og þéttleika. Virkar einnig til að draga úr rósroða og Keratosis Pilaris (kjúklingahúð).
Sérsniðin meðferð – fyrir þína húð
Dermapen er nákvæm og háþróuð örnálatækni sem vinnur með náttúrulega endurnýjun húðarinnar.
Penninn er búinn mörgum örfínum nálum sem hreyfast hratt lóðrétt upp og niður og mynda örsmá göt í húðina. Þessi nákvæma örvun setur af stað náttúrulegt viðgerðarferli húðarinnar og hvetur hana til að auka framleiðslu á kollageni og elastíni – próteinum sem skipta miklu máli fyrir þéttleika, styrk og mýkt húðarinnar.
Þegar húðin fer í þetta endurnýjunarferli getur hún smám saman orðið jafnari, sléttari og þéttari, áferðin getur batnað og húðin öðlast meiri ljóma.
Meðferðin er því ekki einfaldlega yfirborðsmeðferð heldur örvun sem vinnur með eigin endurnýjunarkerfi húðarinnar.
Af hverju Dermapen?
Dermapen er alþjóðlegt vörumerki sem hefur sérhæft sig í háþróaðri örnálatækni fyrir faglegar húðmeðferðir. Tæknin er hönnuð með nákvæmni og stjórnun í fyrirrúmi, sem gerir kleift að aðlaga meðferðina að mismunandi húðgerðum og húðvandamálum.
Hjá Eliru veljum við Dermapen vegna þess að við viljum vinna með vandaða, faglega tækni sem styður við náttúruleg endurnýjunarferli húðarinnar – og gefur okkur möguleika á að sérsníða hverja meðferð að hverju sinni.
Fyrir meðferð og eftir meðferð
Hvað skal hafa í huga áður en þú kemur til okkar í örnálameðferð og hvað skal forðast eftir meðferð .
Fyrir meðferðina
Þetta skaltu gera:
- Segðu okkur frá öllum lyfjum, bætiefnum, ofnæmi og sjúkdómum, og láttu okkur vita ef eitthvað breytist fyrir næsta tíma.
- Komdu með hreina húð, helst án farða, krems og sólarvarnar á meðhöndlaða svæðinu.
- Notaðu sólarvörn daglega og forðastu sólbað og ljósabekki í a.m.k. 1-2 vikur fyrir meðferð.
- Hættu notkun retínóls, retínóíða og ávaxtasýra (AHA/BHA) á meðhöndlaða svæðinu í a.m.k. 3 daga fyrir tímann.
- Forðastu vax, laser meðferðir og skrúbba á svæðinu fyrir tímann.
Ræddu tímasetningar við okkur ef þú hefur nýlega fengið slíka meðferð. - Ef þú hefur fengið bótox eða fylliefni nýlega skaltu láta okkur vita.
Mælt er með nokkra daga milli meðferða. - Ef þú færð oft frunsur skaltu segja okkur frá því. Meðferðin getur kallað fram frunsu.
Þetta skaltu láta okkur vita um, því það getur þurft að fresta eða hætta við:
- Þú ert með sólbruna, opin sár, útbrot, bólgur eða sýkingu á svæðinu.
- Þú ert að taka blóðþynnandi lyf. Hættu aldrei á lyfjum án þess að ræða við lækninn þinn.
Eftir meðferðina
Það sem er eðlilegt:
- Roði og þroti, svipað og vægur til miðlungs sólbruni. Roðinn varir oftast 1-4 daga.
- Þurrkur og flögnun á öðrum degi og áfram í nokkra daga.
- Strekkingur, hlýja og lítils háttar eymsli.
- Punktblæðing við meðferðina og stundum smá mar, sérstaklega í kringum augu.
Fyrstu 24-48 klukkustundirnar:
- Snertu ekki húðina að óþörfu og klóraðu hana ekki. Þvoðu hendur áður en þú snertir andlitið.
- Notaðu mildar húðvörur eftir meðferð.
- Ekki nota farða fyrstu 24 klukkustundirnar.
- Forðastu hreyfingu sem eykur svita og blóðflæði, gufubað, heita potta, sundlaugar og sjóböð.
- Sofðu á hreinu koddaveri.
Algengar spurningar
Hér koma nokkrar spurningar sem viðskiptavinir okkar hafa verið að spyrja
Flestum finnst þetta þolanlegt, ekki sárt. Tilfinningin er oft eins og létt rispa eða titringur, og er verst á viðkvæmum svæðum eins og í kringum nef og enni. Við mælum ekki með deifikremi fyrir meðferð, árangurinn verður ekki sá sami.
Meðferðin er hröð og ekkert mál að stoppa á milli og jafna sig.
Roði og þroti, svipað og vægur sólbruni, varir oftast 1-4 daga. Húðin getur orðið þurr og flagnað á öðrum degi. Margir sjá meiri ljóma og sléttari áferð eftir um viku, en raunverulegur árangur við línur, ör og áferð kemur hægar, því kollagen myndast á nokkrum vikum. En meðferðin er hugsuð sem langhlaup með góðri húðumhirðu, þannig almenn virkni er að koma í ljós 2-3 mánuðum eftir meðferð.
Oftast er mælt með röð meðferða, til dæm Oftast er mælt með röð meðferða, til dæmis 3-6 með nokkurra vikna millibili, og svo viðhaldi eftir þörfum. Árangur fer eftir húð, dýpt nála og markmiði. Ekki er hægt að lofa tilteknum árangri eftir eina meðferð.
Já, það er ekkert til fyrirstöðu að fara í þessa meðferð þegar þú ert ólétt eða með barni á brjósti en því miður geturu ekki fengið ávaxtasýrumeðferðina ef þú ert ólétt sem kemur á eftir meðferðinni sem hámarkar árangur meðferðarinnar. En góð meðferð engu síður.